കയറിയിറങ്ങി ഏഷ്യൻ വിപണികൾ, വ്യാപാരം നടത്താതെ യുഎസ് വിപണി- പ്രീമാർക്കറ്റ് റിപ്പോർട്ട്

പ്രധാനതലക്കെട്ടുകൾ

Hemisphere Properties India: ടാറ്റ സൺസ് പ്രൈവറ്റ് ലിമിറ്റഡ്, കമ്പനിയുടെ 59.85 ലക്ഷം ഇക്വിറ്റി ഷെയറുകൾ ഓപ്പൺ മാർക്കറ്റ് വഴി വിറ്റഴിച്ചു.

Hero MotoCorp: 2022 ജൂണിൽ 4.85 ലക്ഷം യൂണിറ്റ് മോട്ടോർസൈക്കിളുകളും സ്‌കൂട്ടറുകളും കമ്പനി വിറ്റു, മുൻ സാമ്പത്തിക വർഷത്തെ ഇതേ മാസത്തിൽ വിറ്റ 4.69 ലക്ഷം യൂണിറ്റുകളെ അപേക്ഷിച്ച് 3.3% വളർച്ചയാണ് വിൽപ്പനയിൽ ഉണ്ടായിട്ടുള്ളത്.

Eicher Motors: 2022 ജൂണിൽ റോയൽ എൻഫീൽഡിന്റെ 61,407 യൂണിറ്റുകൾ കമ്പനി വിറ്റഴിച്ചു, കഴിഞ്ഞ വർഷം ഇതേ മാസത്തിൽ വിറ്റ 43,048 യൂണിറ്റുകളെ അപേക്ഷിച്ച് 43 ശതമാനം വളർച്ച നേടി.

Mahindra & Mahindra: 2022 ജൂണിൽ കമ്പനി 54,096 വാഹനങ്ങൾ വിറ്റു, കഴിഞ്ഞ വർഷം ഇതേ മാസത്തിൽ വിറ്റ 32,964 വാഹനങ്ങളെ അപേക്ഷിച്ച് 64 ശതമാനം വളർച്ചയാണ് കമ്പനി കൈവരിച്ചത്.

ഇന്നത്തെ വിപണി സാധ്യത

ഇന്നലെ ഗ്യാപ്പ് ഡൌണിൽ 15708 എന്ന നിലയിൽ വ്യാപാരം ആരംഭിച്ച നിഫ്റ്റി വളരെ പെട്ടെന്ന് തന്നെ റിലയൻസിനൊപ്പം കുത്തനെ താഴേക്ക് വീണു. 15500ൽ നിന്നും ശക്തമായ വീണ്ടെടുക്കൽ നടന്നു. തുടർന്ന് 28 പോയിന്റുകൾക്ക് താഴെയായി 15752 എന്ന നിലയിൽ  നിഫ്റ്റി വ്യാപാരം അവസാനിപ്പിച്ചു.

ബാങ്ക് നിഫ്റ്റി ഫ്ലാറ്റായി 33267 എന്ന നിലയിൽ വ്യാപാരം ആരംഭിച്ചതിന് പിന്നാലെ മുകളിലേക്ക് കയറി വിപണിക്ക് പിന്തുണ നൽകി. തുടർന്ന് 114 പോയിന്റുകൾ/ 0.34 ശതമാനം മുകളിലായി 33539 എന്ന നിലയിൽ ബാങ്ക് നിഫ്റ്റി വ്യാപാരം അവസാനിപ്പിച്ചു.

നിഫ്റ്റി ഐടി 0.8 ശതമാനം ഉയർന്നു.

യൂഎസ് വിപണി ലാഭത്തിലും യൂറോപ്പ്യൻ വിപണി നേരിയ നേട്ടത്തിലും അടച്ചു.

ഏഷ്യൻ വിപണികൾ കയറിയിറങ്ങിയാണ് വ്യാപാരം നടത്തുന്നത്. യുഎസ് ഫ്യൂച്ചേഴ്സ് ,യൂറോപ്യൻ ഫ്യുച്ചേഴ്സ്  എന്നിവ താഴ്ന്ന നിലയിലാണ്  വ്യാപാരം നടത്തുന്നത്.

SGX NIFTY 15,710- ലാണ് വ്യാപാരം നടത്തുന്നത്. ഇത് ഇന്ത്യൻ വിപണിയിൽ ഒരു ഗ്യാപ്പ് ഡൌൺ ഓപ്പണിംഗിനുള്ള സൂചന നൽകുന്നു.

15,750, 15,700, 15,640, 15,550 എന്നിവിടെ നിഫ്റ്റിക്ക് ശക്തമായ സപ്പോർട്ട് ഉള്ളതായി കാണാം. 15,780, 15,850, 15,890, 15,930 എന്നിവിടെ ശക്തമായ പ്രതിബന്ധം അനുഭവപ്പെട്ടേക്കും. 

ബാങ്ക് നിഫ്റ്റിയിൽ 33,500, 33,120, 33,000, 32,700 എന്നിവിടെ ശക്തമായ സപ്പോർട്ട് ഉള്ളതായി കാണാം. 33,550, 33,690, 33,930, 34,130 എന്നിവിടെ ശക്തമായ പ്രതിബന്ധം അനുഭവപ്പെട്ടേക്കും.

നിഫ്റ്റിയിൽ 16500ലാണ് ഏറ്റവും ഉയർന്ന കോൾ ഒഐയുള്ളത്. 15500ൽ ഏറ്റവും ഉയർന്ന പുട്ട് ഒഐയും കാണപ്പെടുന്നു.

ബാങ്ക് നിഫ്റ്റിയിൽ 34000ലാണ് ഏറ്റവും ഉയർന്ന കോൾ ഒഐയുള്ളത്. 32500ൽ ഏറ്റവും ഉയർന്ന പുട്ട് ഒഐയും കാണപ്പെടുന്നു.

ഇന്ത്യ വിക്സ് 21.4  ആയി കാണപ്പെടുന്നു.

വിദേശ നിക്ഷേപ സ്ഥാപനങ്ങൾ (FIIs) 2300 കോടി രൂപയുടെ ഓഹരികൾ വിറ്റഴിച്ചപ്പോൾ ആഭ്യന്തര നിക്ഷേപ സ്ഥാപനങ്ങൾ (DIIs) ഇന്ത്യൻ വിപണിയിൽ നിന്നും 1300 കോടി രൂപയുടെ ഓഹരികൾ വാങ്ങികൂട്ടി.

വിൻഡ്‌ഫാൾ ടാക്സ് എന്ന പദം നിങ്ങൾ കണ്ടിട്ടുണ്ടെന്ന് പ്രതീക്ഷിക്കുന്നു. റിലയൻസിന്റെയും മറ്റ് ക്രൂഡ് ഓയിൽ ശുദ്ധീകരണ കമ്പനികളുടെയും നേട്ടത്തിന് സർക്കാർ വിൻഡ്ഫാൾ  നികുതി ചുമത്തിയതോടെ, വെള്ളിയാഴ്ച ഹെവിവെയ്റ്റ് കുത്തനെ ഇടിഞ്ഞു. ഓഹരിയിലേക്ക് ശ്രദ്ധിക്കുക.

സ്വാതന്ത്ര്യദിനത്തെ തുടർന്ന് യുഎസ് വിപണി ഇന്ന് അവധിയാണ്.

ഇന്ത്യയുടെ നിർമാണ പിഎംഐ 53.9 ആയി രേഖപ്പെടുത്തി. 9 മാസത്തിലെ വളരെ പതുകെയുള്ള വളർച്ച. എങ്കിലും ഇത് പ്രതീക്ഷിച്ചിരുന്നതിനാൽ വിപണി ബാധിച്ചേക്കില്ല.

കഴിഞ്ഞ 2 ആഴ്ചയായി ഐടി ഓഹരികൾ തിരികെ കയറുകയാണ്. ഇന്ന് ടിസിഎസ് ഇൻഫി എന്നിവ എങ്ങനെ വ്യാപാരം നടത്തുന്നുവെന്ന് നോക്കാം. ബാങ്ക് നിഫ്റ്റി വെള്ളിയാഴ്ച ദിവസത്തെ  ഉയർന്ന നിലയിലാണ് വ്യാപാരം അവസാനിപ്പിച്ചത്. വീണ്ടും ഗ്യാപ്പ് ഡൌണിൽ തുറന്ന് മുകളിലേക്ക് കയറിയാൽ രസമായിരിക്കും.

നിഫ്റ്റിയിൽ താഴേക്ക് 15500 ശ്രദ്ധിക്കുക. മുകളിലേക്ക് 15930 എന്നിവ ശ്രദ്ധിക്കുക.

ലൈവ് മാർക്കറ്റ് വാർത്തകൾക്കും അറിയിപ്പുകൾക്കുമായി മാർക്കറ്റ്ഫീഡ് ആപ്പ് സന്ദർശിക്കുക. ശുഭദിനം. 

HoneyKomb by Bhive, 3/B, 19th Main Road, HSR Sector 3
Bengaluru, Bengaluru Urban
Karnataka, 560102

linkedIn
twitter
instagram
youtube